Kaya nating magpakatanga sa isang tao, magbubulag-bulagan,kayang ibigay ang lahat at kung ano ano pa. Tipong sobra ka nang tanga sa paningin ng tao sa paligid mo sa larangan ng pag-ibig. Alam mong niloloko ka na pero nagagawa mo padin siyang patawarin dahil sa dahilan mo na hindi naiintindihan ng mga tao sa paligid mo. ‘Yung taong ‘yun ay ‘yung taong mahal mo. Ang taong bababaan mo ng pride mo dahil mas importante siya kaysa sa pride mong ‘yan.

Psychic: Paano ka namatay?
Kaluluwa: Nasagasaan kasi ako noong may sinasalba ako.
Psychic: Bakit? 
Kaluluwa: Ayaw ko kasing masaktan ‘yung minamahal ko.
Psychic: Mahal na mahal mo siya. Sinakripisyo mo ang buhay mo para sa kanya. Siguro malungkot siya ngayon dahil wala ka na?
Kaluluwa: Hindi. Masaya siya dahil ‘yung taong sinalba ko ay ‘yung taong mahal niya. 

Oras ang pinakamgandang ibigay o isakripisyo sa taong mahal mo dahil ito ‘yung klase na ‘di mo na pwedeng bawiin. ‘Di lang oras. As in, oras mo mismo. Oras at effort dahil sa minsan, kulang ang sabihing mahal mo siya dahil kahit sino, pwedeng magsabi nun pero ‘di lahat, kayang patunayan ‘yun. Sabi nga nila, kapag maga-I love you ka, samahan mo ng effort kaya dapat, “I love you effort.”.

Kung mahal mo talaga ang isang tao, sabihin mo na agad bago mahuli ang lahat. At kung sasabihin mo lang din na mahal mo ang isang tao, sabihin mo ng diretso. Hindi ka naman kalsada para magpasikot-sikot pa. Mas okay nang magsisi sa mga bagay na nagawa mo kaysa sa mga bagay na ‘di mo nagawa.